газетка

50 гадоў Аляксандру Ладзяному!

6-га ліпеня спаўняецца 50 год колішняму футбалісту (1992-1998) і трэнеру "Старта" (2012-2015) Аляксандру Ўладзімеравічу Ладзяному (1970). 111 паядынкаў за клуб на пазіцыі брамніка. У 2014-м годзе ўжо як галоўны трэнер клуба Аляксандар Ладзяны вярнуў "Старт" у І лігу. У дадзены момант працуе ў дзіцячым футболе. У 2018 годзе разам зь Дзьмітрыем Суздальцавым прывёў юнацкую каманду (U-16) да перамогі ў 2-м дывізіёне.


гульня

Для экс-гульца ФКО Аляксея Казлова просяць 2 гады турмы

У судзе Маскоўскага раёна Менска праходзяць спрэчкі па справе аб дамоўных матчах у беларускім спорце. Пракурор просіць суд прысудзіць экс-гульца "Старта" (фк "Ворша") і "Нафтана" Аляксея Казлова да 2 гадоў пазбаўлення волі з адбываньнем пакараньня ў папраўчай калоніі ўзмоцненага рэжыму. Акрамя таго, абвінавачваньне прапануе зьмяніць для яго меру стрыманьня з падпіскі аб нявыездзе на ўзяцьце пад варту. Для былых футбалістых Віктара Баравіцкага і Віталя Ланько абвінаваўца патрабуе чатырох гадоў абмежавання волі з накіраваннем у выпраўленчую ўстанову адкрытага тыпу без пазбаўленьня права займаць пэўныя пасады. Для экс-валейбалісты "Камунальніка" Дзяніса Восіпава пракурор просіць штраф у 500 базавых велічынь (12 750 рублёў).
На лаве падсудных 20 чалавек — дзевятнаццаць (за рэдкім выключэннем) ужо былых футбалістых і адзін экс-валейбалісты. Яны абвінавачваюцца па трох артыкулах Крымінальнага кодэкса РБ - ч.1 і 2 арт. 253 (подкуп удзельнікаў прафесійных спаборніцтваў), на падставе ч. 1 арт. 14 (замах на такі подкуп) і ч.1, 2 і 3 арт. 209 (крадзяжы, зьвязаныя з ашуканскім завалоданьнем грошай букмекерскіх кантор), піша "Прессбол". У справе разглядаюць 16 дамоўных матчаў — 15 у футболе і адзін валейбольны, які стаў для арганізатараў апошнім.

Старт герб

Таблічка на магіле Рувіма Аўцына

Неабыякавыя да аршанскага футболу людзі працягваюць рабіць важныя справы. На магіле вялікага трэнера "Старта" Рувіма Аўцына зьявілася новая таблічка. Само месца пачышчана ад залішняе травы і паступова набывае ўсё больш прэзентабельны выгляд.




Орша Беларусь

Міхаілу Нірману споўнілася б 95...

Вядомаму аршанскаму футбольнаму трэнеру, патрыярху каманды "Станкабудаўнік", аднаму з заснавальнікаў аршанскага клубнага футболу Міхаілу Нірману сёлета споўнілася б 95. У нас у дзёньніку можна прачытаць артыкул пра Міхаіла Нірмана. Памятайце славутых людзей аршанскага футболу! Іх імёны яшчэ будуць насіць аршанскія вуліцы, у тым ліку і Міхаіла Аркадзевіча.


моб

Старт Ворша — Спадарожнік Рэчыца — 0:0

Пасьля дзьвюх запар паразаў мы не маглі быць упэўненыя ў добрай справе, маглі толькі верыць у каманду. Яна па-ранейшаму рабіла памылкі ў абароне, але адстаяла бастыён. Больш за тое — назваць "Спадарожнік" лідарам І лігі па гульні можна было з цяжкасьцю. Ну, дзейнічалі першым нумарам, а што далей? Вострых момантаў ля брамы свайго былога, а цяпер нашага Ільлі Маталыгі амаль не стварылі, у нас нават паболей было шанцаў. Напэўна, зыход паядынку варта прызнаць справядлівым. Найлепшымі ў нашай камандзе, пэўна, варта прызнаць Маталыгу і Калініна. Парадавала, што амаль усе нашы гульцы ў канцы сустрэчы захавалі сілы ды імпэт, каб яшчэ ісьці ў наступ. Яшчэ адзін важны момант — сустрэчу абслугоўваў неадэкватны суддзя Аніхімоўскі зь Менску. У адным з момантаў Мікалай Кітаёў выходзіў сам-на-сам з брамнікам, а абаронца Рэчыцы літаральна заскочыў яму на сьпіну. Відавочны зрыў атакі і чырвоная картка, але клоўн у ружовым вырашае даць толькі жоўтую. А лінейны арбітр нават цыкнуў у наш бок, яму не спадабаліся прэтэнзіі да іх недалёкай брыгады. Ім бы ў цырк уладкавацца, а яны судзяць. Зрэшты, пра ўзровень арбітражу мы даўно ведаем, вялікая частка матчаў здавалася-прадавалася, у тым ліку ў крымінальных схемах замяшаліся суддзі, заведзены і расьсьледуюцца справы, але ўзровень арбітраў і іх сумленнасьць не растуць. Ім бы судзіць матч максімум узроўню чэмпіянату раёна кшталту Высокае - Смаляны, і тое могуць закідаць камянямі.

Пацьвердзілася назіраньне папярэдніх матчаў — пры Вопсеве каманда рэдка расчароўвае слабой гульнёй, але набіраць пункты часьцяком не дазваляе завяршэньне атак і памылкі пры абароне. Па выніках сустрэчы з рэчычанамі хутчэй нам трэба шкадаваць пра нездабытую перамогу, чым гасьцям. Дзякуй каманде, спадзяёмся ў наступных матчах будуць перамогі! На сектары 6 чалавек зь неблагой падтрымкай цэлы матч, апрача першых хвілінаў, бо шэрыфы прытрымалі на ўваходзе на стадыён.

СТАРТ: Маталыга, Тупчы (Кітаёў, 48; Сьвяцілаў, 86), Іршаў, Знак (Дарашэнка, 79), Беразун, Калінін, Шугункоў (Бурнос, 84), Джугір, Калінчанка, Жалезьнікаў (Луцік, 76), Смунёў.

Орша Беларусь

Сама позьні матч

Суботні матч з рэчыцкім "Спадарожнікам" — адзін з найбольш позьніх за апошнія гады. Так позна дома мы пачыналі матч толькі ў 2012 годзе супраць "Баранавічаў" (1:0). Тады перамогу нам прынёс гол Уладзіслава Знака. На стадыёне адзіны раз падчас хатняй гульні "Старта" уключалася штучнае асьвятленьне.


Центральный городской стадион - Орша