моб

Цяпер — orshafans3.livejournal.com

Вось і скончылася дыскавая прастора ў нас на гэтым адрасе. Неяк было прынцыпова вырашана не плаціць за паляпшэньне, а таму мы проста пераязджаем на новы адрас у Сеціве. Праект Orshafans, без ілжывай сьціпласьці, — найбольш шырокі, падрабязны і пазнавальны пра гісторыю аршанскіх "Старта" і "Ўзьлёта", пра фанацкі рух у Воршы, мінуўшчыну нашага старажытнага места. Заставайцеся з намі і чытайце Orshafans ужо на новым адрасе!

Старт герб

Хімік Сьветлагорск — Старт Ворша. Анонс

СІТУАЦЫЯ НАПЯРЭДАДНІ
Сіня-белыя знаходзяцца ў так званым "балоце", на 10-м месцы, а вось "Хімік" вельмі блізкі да таго, каб упершыню ў гісторыі футбольных чэмпіянатаў незалежнай Беларусі пакінуць І лігу, прычым долу, а не ўгару. У сьветлагорцаў дагэтуль -7 пунктаў, штраф перад сезонам ня выбіты, і за ўвесь чэмпіянат у чырвона-белых пакуль не было перамог.


Стадион Химик, спортивный комплекс, 21, микрорайон Октябрьский, Светлогорск,  Беларусь — Яндекс.Карты


ІМГНЕНЬНЕ ГІСТОРЫІ
Роўна 20 гадоў таму матч на полі сьветлагорцаў скончыўся ўнічыю 1:1 і ўвайшоў у гісторыю абодвух клубаў скандалам:

Скандальны матч. «Хіміку» ніяк нельга было саступаць, каманда змагалася за права застацца ў І лізе. «Ворша» прыехала змагацца выключна за прэстыж. Перадусім з-за арбітражу Браніслава Ясінскага спакойнай гульні не атрымалася. Рэферы зь Менску пры ліку 0:0 выдаліў з поля за паўторнае папярэджаньне аршанскага «лібера» Ларывонава. Неўзабаве Ўладзімер Правалінскі адкрыў лік, але галоўны скандал грымнуў на 74-й хвіліне. Бессаромная сімуляцыя гульца «Хіміка», і Ясінскі ставіць пенальці. Абураныя моцнай несправядлівасьцю аршанцы ідуць у спрэчкі з чалавекам у чорным, і Гарадзецкі, які выйшаў на замену на пачатку тайму, атрымлівае чырвоную картку. Гулец сьветлагорцаў Панчанка забівае 11-метровы ў браму Сяргеева, але ў астатнія хвіліны «Хіміку» ўсё ж не ўдаецца здабыць перамогу, каманда вылятае зь І лігі. Раззлаваныя такім вынікам сьветлагорскія заўзятары атакуюць аўтобус «Воршы», і толькі пад узмоцненым суправаджэньнем міліцыі і аўтаінспекцыі нашай камандзе ўдаецца пакінуць негасьцінны Сьветлагорск. Цікава, што інспектар матчу Арлоўскі з Магілёва паставіў Ясінскаму за працу 8,8, вельмі высокі бал. Як пакажуць далейшыя падзеі, нефутбольныя акалічнасьці дапамогуць «Хіміку» застацца ў І лізе. Гэта каманда яшчэ доўга будзе ўтрымліваць рэкорд па колькасьці сезонаў, праведзеных на другім узроўні беларускага футболу.



ЯК БЫЛО?
Падрахунак супрацьстаяньня "Старт" (Ворша) — "Хімік" (Сьветлагорск):
33 сустрэчы, +10 =8 -15, 52-59
1976 Старт — Хімік (Сьветлагорск) — 6:1
1976 Хімік (Сьветлагорск) — Старт — 5:5
1977 Хімік (Сьветлагорск) — Старт — 0:0
1977 Старт — Хімік (Сьветлагорск) — 2:1
1980 Старт — Хімік (Сьветлагорск) — 0:0
1980 Хімік (Сьветлагорск) — Старт — 2:0
1983 Хімік (Сьветлагорск) — Старт — 0:3
1983 Старт — Хімік (Сьветлагорск) — 2:0
1996 Старт — Хімік (Сьветлагорск) — 1:0
1996 Хімік (Сьветлагорск) — Старт — 1:0
1997 Камунальнік (Сьветлагорск) — Старт — 5:3
1997 Старт — Камунальнік (Сьветлагорск) — 2:2
1998 Камунальнік (Сьветлагорск) — Старт — 2:0
1998 Старт — Камунальнік (Сьветлагорск) — 0:0
1999 Камунальнік (Сьветлагорск) — Старт — 2:1
1999 Старт — Камунальнік (Сьветлагорск) — 1:2
2000 Старт — Хімік (Сьветлагорск) — 5:0
2000 Хімік (Сьветлагорск) — Старт — 1:1
2001 Старт — Хімік (Сьветлагорск) — 1:4
2001 Хімік (Сьветлагорск) — Старт — 8:1
2005 Хімік (Сьветлагорск) — Старт — 2:1
2005 Старт — Хімік (Сьветлагорск) — 0:5
2015 Старт — Хімік (Сьветлагорск) — 1:2
2015 Хімік (Сьветлагорск) — Старт — 4:0
2016 Старт — Хімік (Сьветлагорск) — 1:1
2016 Хімік (Сьветлагорск) — Старт — 0:2
2017 Хімік (Сьветлагорск) — Старт — 4:2
2017 Старт — Хімік (Сьветлагорск) — 2:0
2018 Хімік (Сьветлагорск) — Старт — 3:2
2018 Старт — Хімік (Сьветлагорск) — 2:0
2019 Хімік (Сьветлагорск) — Старт — 2:1
2019 Старт — Хімік (Сьветлагорск) — 0:0
2020 Старт — Хімік (Сьветлагорск) — 4:0


ШТО? ДЗЕ? КАЛІ?
Матч адбудзецца ў Сьветлагорску на стадыёне "Хімік" 26-га верасьня. Пачатак а 14:00.
Старт шасьцяронка

Матч са "Слонімам" адкладзены мінімум на кастрычнік

Неяк мы ўпусьцілі момант і не напісалі тут пра перанос нашага матчу са "Слонімам", абмежаваўшыся толькі Твітэрам і Тэлеграмам. Такім чынам, мы двойчы публікавалі анонс матчу з гэтым супернікам, і двойчы ж матч адкладаўся. Цяпер ён перанесены на 21-га кастрычніка, але рашэньне не канчатковае.
Аршыца ультрас

Старт Ворша — Слонім. Анонс

СІТУАЦЫЯ НАПЯРЭДАДНІ
Матч, які павінен быў адбыцца месяц таму, але быў перанесены федэрацыяй з-за боязі пачуць патрыятычныя лозунгі на трыбунах. Па зразумелых прычынах нікога запрашаць на стадыён адмыслова ня будзем — гэта выключна на жаданьне, паколькі розныя турнірныя задачы нельга паставіць на першае месца, ведаючы, што адбываецца навокал.


ІМГНЕНЬНЕ ГІСТОРЫІ
Роўна 15 гадоў таму на сваім полі аршанцы перамаглі слонімцаў 2:1.

ЯК БЫЛО?
Падрахунак супрацьстаяньня "Старт" (Ворша) — "Слонім":
26 сустрэч, +10 =3 -13, 29-43
1987 Старт — Старт (Слонім) — 3:1
1987 Старт (Слонім) — Старт — -:+ (3:1)
1992 Старт — Альберцін (Слонім) — 0:3
1996 Камунальнік (Слонім) — Старт — 3:1
1996 Старт — Камунальнік (Слонім) — 0:4
1999 Старт — Камунальнік (Слонім) — 1:1
1999 Камунальнік (Слонім) — Старт — 2:0
2001 Старт — Камунальнік (Слонім) — 4:1
2001 Камунальнік (Слонім) — Старт — 3:0
2005 Старт — Камунальнік (Слонім) — 2:1
2005 Камунальнік (Слонім) — Старт — 0:1
2011 Старт — Камунальнік (Слонім) — 0:1
2011 Камунальнік (Слонім) — Старт — 4:2
2012 Старт — Камунальнік (Слонім) — 1:0
2012 Камунальнік (Слонім) — Старт — 4:0
2015 Слонім — Старт — 3:0
2015 Старт — Слонім — 0:2
2016 Слонім — Старт — 0:0
2016 Старт — Слонім — 2:0
2017 Старт — Слонім — 1:2
2017 Слонім — Старт — 1:4
2018 Слонім — Старт — 2:0
2018 Старт — Слонім — 2:2
2019 Старт — Слонім-2017 — 1:0
2019 Слонім-2017 — Старт — 1:3
2020 Слонім-2017 — Старт — 2:1

ШТО, ДЗЕ, КАЛІ
Матч "Старта" са "Слонімам" адбудзецца 23-га верасьня на Гарадзкім стадыёне ў Воршы. Пачатак а 15:00.
газетка

Леанід Скараходаў

"Тэмпа" няма ўжо шмат гадоў, ды й наогул футбол у Барані цяпер на суцэльным маргінэсе. Аднак і сёньня можна сустрэць людзей, якія добра памятаюць матчы на бараньскім стадыёне. Летась мы прысутнічалі на ветэранскай сустрэчы ў гонар 40-годдзя заваяваньня "Тэмпам" бронзавых медалёў чэмпіянату Беларусі. Пасьля таго прыхільнік аршанскага футболу, грамадзкі і палітычны дзеяч Павал Севярынец, які яшчэ малым хадзіў на матчы "Тэмпа", запытаўся ў нас пра Леаніда Скараходава — аднаго са сваіх улюбёных гульцоў.

На жаль, пару гадоў таму вядомы паўабаронца "Старта" і "Тэмпа" адыйшоў у Вечнасьць. Леанід Скараходаў апошнія свае гады жыў у Воршы каля 11-й школы, дзе сыны купілі яму дом. У запавеце легенда футболу Барані й Воршы прасіў яго крэмаваць, што было выканана нашчадкамі.


Леанід Скараходаў упершыню гучна заявіў пра сябе ў 1963-м годзе, калі ў складзе аршанскага "Аўтамабіліста" заваяваў Кубак абласнога Савета ДСТ "Спартак". На здымку паўабаронца восьмы справа:


Кар'ера Скараходава пайшла ўгару. У 1974 годзе, ужо будучы вопытным гульцом, ён прыняў удзел у паездцы "Старта" ў ГДР. На фотаздымку ён трэці зьлева ў ніжнім шэрагу:


У 1978 годзе Скараходаў у складзе "Тэмпа" стаў бронзавым прызёрам беларускага першынства. На здымку Леанід у верхнім шэрагу чацьверты справа:



Цікава, што ў тым знакавым для "Тэмпа" сезоне-78 Скараходаў ужо ня быў лідарам каманды, за ўвесь сезон ён правёў 10 матчаў, у частцы якіх толькі выходзіў на замену. Ягоныя залатыя гады прыйшліся на ранейшыя гады. Рэдка які чэмпіянат ён завяршаў без забітых галоў. Ну а самым, бадай, удалым сезонам па асабістай статыстыцы для Скараходава стаў чэмпіянат 1975 году. Тады ён правёў 20 матчаў за "Тэмп" і забіў 4 мячы. Хаця яшчэ на пачатку 70-х ён забіваў за чэмпіянат нават і болей.
Старт ч/б

Граніт Мікашэвічы — Старт Ворша — 1:1

Чарговая нічыя нашай каманды. На гэты раз на "Палесьсі" ў Лунінцы супраць "Граніта". На 47-й хвіліне за гаспадароў поля забіў наш колішні нападнік Уладзіслаў Кабачэўскі, але на 66-й Мікіта Шугункоў адказаў на гэта сваім мячом. Лік 1:1.
СТАРТ: Маталыга, Тупчы (к), Беразун, Ціхаміраў (Калінчанка, 72), Калінін, Вайцяховіч (Дарашэнка, 90), Шугункоў, Джугір, Жалезьнікаў (Ржэўскі, 53), Смунёў, Сіяка (Іршаў, 64).


У матчы за "Старт" дэбютаваў яшчэ адзін расейскі футбаліст — 22-гадовы Дзяніс Ржэўскі. Ён упершыню гуляе за мяжой, дагэтуль паўабаронца гуляў на сваёй радзіме за каманды "Есентукі", "Зялёнакумск" і "Сафіёўскі" з Залатароўкі.


моб

Ян чытае і перакладае

Ян вывучае нумар грэцкага фанзіна, артыкул пра фанатаў "Ларысы". А таксама пакрысе перакладае для нашага дзёньніка вялікі матэрыял пра міжсобныя войны ў лагеры заўзятараў бялградзкага "Партызана".


Ультрас Орша

Граніт (Мікашэвічы) — Старт (Ворша). Анонс

СІТУАЦЫЯ НАПЯРЭДАДНІ
Перад вочным матчам сіня-белыя займаюць 9-ты радок табліцы, маючы толькі 17 пунктаў пасьля 15 праведзеных паядынкаў. У Граніта" 16 згуляных сустрэч і толькі 9 пунктаў, 12-я пазыцыя. Яўным фаварытам сустрэчы называюць аршанскую каманду, вось і пабачым, ці апраўдае родны клуб такія чаканьні.


ІМГНЕНЬНЕ ГІСТОРЫІ
Роўна 20 гадоў таму ў гасьцявым матчы з "Гранітам" аршанцы перамаглі 2:1. Тады яшчэ ў першым тайме за аршанцаў забілі Сяргей Школа і Ўладзімер Правалінскі.

ЯК БЫЛО?
Падрахунак супрацьстаяньня "Старт" (Ворша) — "Граніт" (Мікашэвічы):
20 сустрэч, +8 =2 -10, 27-36
1980 Граніт — Старт — 2:1
1980 Старт — Граніт — 8:0
1987 Старт — Граніт — 2:1
1987 Граніт — Старт — 2:2
1999 Граніт — Старт — 0:0
1999 Старт — Граніт — 0:2
2000 Граніт — Старт — 1:2
2000 Старт — Граніт — 0:1
2001 Старт — Граніт — 1:0
2001 Граніт — Старт — 5:1
2005 Граніт — Старт — 6:3
2005 Старт — Граніт — 0:1
2011/12 Старт — Граніт — 0:7
2017 Старт — Граніт — 2:0
2017 Граніт — Старт — 0:1
2018 Старт — Граніт — 0:3
2018 Граніт — Старт — 1:0
2019 Старт — Граніт — 1:0
2019 Граніт — Старт — 3:1
2020 Старт — Граніт — 2:1

ШТО? ДЗЕ? КАЛІ?
Матч адбудзецца ў горадзе Лунінец на стадыёне "Палесьсе" 19-га верасьня (субота). Пачатак а 16:00.
Старт шасьцяронка

Набор у футбольную школу

Детско-юношеская спортивная школа ФК Орша проводит набор детей на отделение футбола в возрасте от 6 до 11 лет.
Высококвалифицированный тренерско-преподавательский состав отделения футбола развивает уровень мастерства спортсменов-учащихся, осуществляет подготовку футбольных команд к соревнованиям, воспитывает популяризацию футбола, направленную на укрепление здоровья Ваших детей.


*

Запись по телефону +37529 594-58-09 (директор Николай Геннадьевич Ефимовых) или +37529 593-73-65 (тренер-преподаватель по футболу Александр Владимирович Лодяной).


*На фотаздымках папярэднія склады аршанскіх юнацкіх каманд.
Брама

Гарадзкі стадыён з паветранай здымкі

У 2021 годзе мы адзначым 100-годдзе роднага стадыёна. Як мы пісалі ў папярэдніх публікацыях, сам стадыён неаднаразова зьмяняўся за гэты час, але нязьменным было адно — тут пастаянна было футбольнае поле, на якім праводзіліся матчы рознага ўзроўню. Вашай увазе фотаздымак з паветра, на якім бачны і стадыён, і цяперашняя 2-я гімназія з чырвонай цэглы. Гімназія ў тыя гады называлася па-іншаму, але таксама выконвала адукацыйныя функцыі. Пры ёй і паўстаў стадыён.